پرون او نن

د يو تکړه کوشني قصه چي په بازار کښي د خپلي مور او خور څخه په الغاؤ تلغاؤ کښي چيرته بې درکه سي- يوه بوډۍ ښځه د هغۀ د تختولو هڅه هم کوي- خو کوشني ته د مور او استاذ خبره ورياده سي چي په تنګسه کښي حوصله مه بايله او که چيري ورک سواست نو هغه ځائ ته ځان رسوئ چي کوم ځائ درنه ملګري بېل سوي وي- د کوشني کوم کتابونه لوستل خوښ وي؟

رېحان ته په نوي ښوونځي کښي داخله ملاؤ سوه- خو هغه بيا هم ډېر غمجن ؤ ځکه چي د هغه په دې ښوونځي کښې يو ملګرے هم نه وي چي دې ور سره بازۍ وکړي- خو لږه موده وروسته هغۀ ته په دې ښوونځي کښي نوي ملګري ملاؤ سي- ريحان دوي سره بازۍ او د ښوونځي کار يو ځائ کوي- د هغۀ ټول ملګري د هغۀ په هر کار کښې ملاتړ کوي- نوؤ ملګرو رېحان سره ولي ملګرتيا وکړه؟

پټ پټانی شفا، خوشال او مانو له خپل نيکه سره پټ پټوڼې کوي- ټولو کوشنيان يو بل ولټول خو مانو چرته هم نه وه موږ هغه په هر کونج کښي ولټوله- شفا ته مور وائي چې مانو ډېره چالاکه ده- هغه د کور څخه باندي هم وځي هغه په داسې ځائ کښې پټيږي چې څوک ئې هم نه سي موندلې- مانو چرته پټه سوې وه؟

د يوي کوشنۍ پلوشې قصه، چي يوه مرغۍ په قفس کښي بنديوانه وي او بيا هم ښه د اَرام ژوند کوي د هغې هم په زړۀ کښي راشي چي کشکي هغه هم يوه مرغۍ وې- هغه په خپل خيال کښي يوه مرغۍ شي- خو ډېر زر ورته احساس وشي چي نه د مرغۍ د ژوند نه خو زما ژوند شه دی- پلوشه په قفس کښي بنديوانه مرغۍ اَزاده کړي او کۀ نه؟

ور په کوم ځائ ولګوؤ د چُهټۍ ورځ وه- په چم ګاونډ کښي سحار ټول خلګ راټول سوي وو، د ټولو ږغونه په لوړېدو سول- د کوڅې په سر کښي ور لګول وو- خو په دې خبره د ټولو صلاح يوه نه وه چي ور په کوم لوري ولګوي- هر يو تن دا غوښتل چي د هغۀ خبره دې ومنل سي- په پائ کښي د ټولو صلاح يوه سوه او ور ئې ولګولو- ور ئې په کوم لوري ولګولو؟

مونږ بوټي کرو- کلني امتحانونه وسول- ټول کوشنيان ډېر په خوشحالۍ سره ښوونځي ته روان وو- د مس ناديه په وېنا ټولو کوشنيانو د ځان سره د بوټو تخمونه يوړل- د کياريو مځکه ئي پسته کړه- هر ماشوم په خپل خپل ځائ کښي تخم وکرلو او په تختو ئې ورسره خپل نومونه هم وليکل- ماشومان ولې ډېر خوشحاله وو؟