Back to homepage

په دې قصه کښي دا خودلي شوي دي چي د کلي خلګ څنګه د غنمو په رېبلو کښي د یو بل سره بې غرضه مرسته کوي- لونګ اکا د ماښام نه په جومات کښي د اشر اعلان وکړو سهار وختي ټول خلګ راغونډ شول او په کار ئې لاس پورې کړو- کور کښي مېرمنو چائې او پراټې پخول شروع کړل- سپوږمۍ او سنګين ولې خوشحاله وو؟

دا قصه د هغه ملګرو په هکله ده چي د هغوئ تعلق د بيل بيل مذهب او کلتور سره ؤ خو بيا هم د يو بل سره ئې بې کچه مينه او محبت لرلو- ګيتا او رمېش سره ئې د هغوئ په کور کښي ديوالي ونماځلو، د وکټر سره ئې د کرسمس خوشحالۍ ګډې کړې- خوږو کوشنيانو تاسو وواياست چي دوي به اختر څنګه نماځلی وي؟

سبي د بلوچستان يو ښکلی ښار دی- په دې کښي هر کال يوه مېله لګي چي د سېوۍ مېله ورته وايي- د بلوچستان د لرې لرې سېمو خلګ دلته د لېن دېن د پاره راځي- دې ته ماشومان ډېر خوشحالېږي- ځکه چي په دې کښې رنګ په رنګ څاروي وي- تاسو چيري د دې مېلې سېل له تللې يئ؟

په ځنګل کښي ټولې مرغۍ راغونډې شوې او فيصله ئې وکړه چي خپلې ملګرې بلبلې ته د هغې د سالګرې نماځلو سرپرائز ورکړو-ټولو دوستانو رنګ په رنګ ډالۍ تيارې کړې چا شمعې بلې کړې، چا کېک راوړو، او د بلبلې کور ته ورغلل- بلبلې چي دا هر څۀ وليدل نو د خوشحالۍ نه په جامو کښي نه ځائېده- دا خبره چا ته ورياده شوه چي سبا د بلبلې سالګره ده؟

نن د خواري کښو د نړيوالې ورځي په لړ کښي د کلي ټول خلګ امين ماما يو پرورګرام له رابللي وو- ټولو کوشنيانو وار په وار په سټېج د خپلو خواري کښو مندو او پلرونو په کسبونو باندې رڼا واچوله او په دوي ئې ډېر وياړ کولو- په پائ کښي امين ماما ووئيل، موږ له پکار دي چي د دوئ د کسب ګرۍ عزت وکړئ- امين ماما د کلي خلګ ولي رابللي وو؟

په دې قصه کښې د يوې داسې انجلۍ ګل غوټۍ ذکر دې چې د هغې لاس د وړوکوالي نه د څۀ ناروغې له وجې کار نه کوي- هغه به د دې غم له وجې هروخت خفه وه- لوبې به ئې هم نه شوې کولې- هغې ته خپلو ملګرو ډېره خوصله ورکړه- هغه به ئې د خان سره لوبو ته هم بوتله- ستاسو په ملګرو کښې داسې څوک شته؟ تاسو به د هغوئ مرسته کوئ؟

صابر د خپل کلي يو ډېر غريب سړی وي- هغه د خپلو بچو بنيادي ضرورتونه هم نه شي پوره کولې- اختر رانيزدې وي هغه ډېر پرېشانه وي چي خپلو بچو له به جامه پيزار څنګه اخلم- هغه په لاره روان وي ناڅاپه د هغۀ په پښو کښي يوه مرغۍ راپرېوځي چي ډېره ژوبل وي- هغۀ ته د مرغۍ په مدد کولو څۀ ملاؤشول؟

ګلالۍ خپلې کشرې خور زربختې ته د محترمې فاطمه جناح د تحريک ازادۍ ټوله قصه کوي- چي څنګه هغې د خپل ورور قائداعظم محمد علي جناح سره اوګه په اوګه د پاکستان په جوړېدو کښي مرسته کړې وه- نایاب ايشال ته ووئيل چي فاطمه جنا په سبق کښي هم ډېره قابله وه هغه د غاښونو ډاکټره وه- د ايشال څنګه دا خواهش پېدا شو چي د فاطمه جناح د ژوند نه ځان خبر کړئ؟

په دې قصه کښې د ماشومانو د پاره د بلوچستان د سېل ګرۍ د ځايونو په ډېر ښکلي انداز کښې ذکر شوی دی- زرکه يوه مرغۍ ده چې د ماه نور سره ئې ډېره خوږه دوستان وي- زرکه ماه نور ته وزري ولګوي او د ټول بلوچستان سېل پرې وکړي- تاسو د بلوچستان د کومو علاقو سېل کړی دی؟