ٹیلو

ایک بہادر بچے کی کہانی جو بھیڑ میں گم ہونے پر بھی بالکل نہ گھبرایا، اجنبی عورت نے اسے زبردستی ساتھ لے جانے کی کوشش کی، مگر امی اور استانی کی بات اسے یاد تھی۔ کیا وہ اپنے گھر والوں سے مل پایا؟

دلچسپ نظم، موجودہ حالات و واقعات پر مبنی ایک اہم پیش رفت، بچوں کو گھر سے باہر پیش آنے والے واقعات اور ان سے نبٹنے کے بارے میں ہدایات، باتوں ہی باتوں میں بچوں کو سمجھایا گیا ہے کہ ہر بات امی ابو کو بتانا کتنا ضروری ہے۔

رانو کو پڑھنے کا شوق، مگر ابو کی نظر میں لڑکیوں کو پڑھائی سے زیادہ گھر داری سیکھنا ضروری،روز اپنے بھائی کو اسکول جاتا دیکھتی۔ ایک دن ایک ایسا واقعہ ہوا کہ امی ابو کو پتہ چلا کہ رانو پڑھنا جانتی ہے تو وہ حیران ہوگئے۔آخر رانو پڑھنا کیسے سیکھ گئی؟

جاوار خاتون کی کہانی جو گلگت کی حکمران تھیں، سب انہیں دادی جاواری کہتے، اس وقت گلگت بالکل ہرا بھرا نہیں تھا، دادی جاواری نے سب کے مشوروں پر عمل کرتے ہوئے اپنے علاقے کو سرسبزوشاداب بنالیا، یہ آسان کام نہیں تھا، آخر ان سب نے ایسا کیا کیا؟

دانش کا داخلہ نئے اسکول میں ہوگیا، جہاں اس کا کوئی دوست نہ تھا، کچھ شرارتی بچوں نےاسے پریشان بھی کیا، مگر پھر اسے کچھ اچھے دوست مل گئے۔ان اچھے بچوں نے دانش سے کیوں دوستی کرلی؟

اپنے اسکول کی ہیئت کے بارے میں بچوں کے خیالات کے تانے بانے، سوچ ہی سوچ میں کبھی بادل پر، کبھی جنگل میں اور کبھی پانی پر اسکول کے ہونے کی چاہ، ساتھ ہی اس سے درپیش مسائل کے بارے میں باتیں، اور آخر میں یہ احساس کہ اپنا اسکول جیسا ہے اور جہاں ہے وہی سب سے بہتر ہے۔