ناياب خپلې کشرې خور ايشال ته د محترمې فاطمه جناح د تحريک ازادۍ ټوله قصه کوي- چې څنګه هغې د خپل ورور قائداعظم محمد علي جناح سره اوګه په اوګه د پاکستان په جوړېدو کښې مرسته کړې وه- نایاب ايشال ته ووئيل چې فاطمه جنا په سبق کښې هم ډېره قابله وه هغه د غاښونو ډاکټره وه- د ايشال څنګه دا خواهش پېدا شو چې د فاطمه جناح د ژوند نه ځان خبر کړئ؟

په دې قصه کښې مس عائشه د پښتو په پيرډ کښې په ماشومانو د دوڼو وئيلو مقابله کوي- د ماشومانو مختلف ګروپونه جوړ کړي- اول وړومبي ګروپ دوڼه وئيله او نورو به ټيک کوله او ورپسې دغه شان دويم، درېم ګروپ- د مائده ګروپ د څۀ په حقله دوڼه ووئيله؟

عارف او ثمرين د خپلو ملګرو سره د يو ځائے لوبو کولو پروګرام جوړ کړو- خو څوک په يوه لوبه هم نه متفق کېدل- چا پټ پټوڼې کول غوښتل نو چا چيندرو، چا د نوم څيز او ځائے لوبه غوښتله نو چا پيټو ګرم او چا اوبۀ لوبه کول غوښتل- په اخر کښې ثمرين څۀ فيصله وکړه؟

صابر د خپل کلي يو ډېر غريب سړے وي- هغه د خپلو بچو بنيادي ضرورتونه هم نه شي پوره کولې- اختر رانيزدې وي هغه ډېر پرېشانه وي چې خپلو بچو له به جامه پيزار څنګه اخلم- هغه په لاره روان وي ناڅاپه د هغۀ په پښو کښې يوه مرغۍ راپرېوځي چې ډېره ژوبل وي- هغۀ ته د مرغۍ په مدد کولو څۀ ملاؤشول؟

په باورچي خانه کښې ټول لوښي د يو بل سره په جګړه دي- هر يو وائي چې زۀ د ټولو نه ضروري يم او کور کښې زما ضرورت د ټولو نه سېوا دے- د لوښو په دې شور او چغو ځلا د خپلې کوټې نه بهر راؤځي او باورچي خانې ته راشي- ټول لوښي په قلاره کړي او د هغوي تر مېنځه فيصله وکړي ستاسو په خيال دا فېصله به څۀ وي؟

ټول ماشومان د رنګونو او موسم په ننداره دي- د باران څاڅکي د کبل په شين څادر لکه د غمو پرقېږي- ټول ماشومان د خپلې خوښې د رنګونو ذکر کوي- د چا سور رنګ خوښ دے، څوک نارنجي رنګ خوښوي او څوک شين- د ساره زير رنګ خوښ وي ولې؟