Salsengni Git Ringgipa Do.o.

Na.a agana man.genma ia nokni manderangni gisepo sawa ro.a aro sawa kan.dika? Ia Ki.tapo nokni manderangni ro.a aro kan.dikaniko mesokani ong.a .

Saksa me.a bi.sa, uni ripengrangni aro uarangni kam ka.ani golpo. 

Ganding-chindingni Porbo-ni nitoaniko, gam.aniko, similako aroba namnika-namnikgijako uie rabo. 

Mese tampe mesal kalna namnika, indiba un baksa kalpana saksaba dongjaha. Uni noksul, dobok, nokon donga, indiba ua saksan dongna namnika. Mese dobokko un baksa kalpana rimna am.genma?

Sakgni mande bi.sa skulchini rama re.e pilba somoio mangsa matchu ki.ini jongko nikna manaha. Mai dakgipa jong iara? 

Mitam matburungrangni chikna matsramgipa wagamrang donga. Gipin janggi gnangiparangni wagamrang chepeta. Mitamrangnide wagaman dongpaja. Nangni wagamni mai kobol?