زما د دوست سالګره

د يو تکړه ماشوم قصه چې په بازار کښې د خپلې مور او خور نه په الغاؤ تلغاؤ کښې چرته بې درکه شي- يوه بوډۍ ښځه د هغۀ د تختولو کوشش هم کوي- خو ماشوم ته د مور او استاذ خبره ورياده شي چې د چرته نه ورک شئ هم هلته ځان واپس ورسوئ- ماشوم د خپلې مور او خور سره لاؤ شو؟

په دې قصه کښې دا خودلي شوي دي چې څوک د ټرېفک په اصولو عمل نه کوي نو همېشه به په نقصان کښې وي- د سړک بلې غاړې ته د تللو د پاره په زېبرا کراسنګ تېرېږۍ- په دواړو اړخونو نظر اچوئ- چې د ترېفک ايشاره سره شي نو همېشه اودرېږۍ- خپل ګاډي تيز مه چلوئ- د ټرېفک په شنه ايشاره مونږ له څۀ کول پکار وي؟

دا نظم د کور په حقله ليکلے شوے دے- په دې نظم کښې دا خودلي شوي دي چې د کور دننه ماحول څنګه وي- مور پلار، وروڼه خوېندې، نيا نيکۀ په يو کور کښې وسيږي- خپل خپلوان هم راځي- ماشومان په کښې لوبې کوي، څاوري هم په کښې وسيږي- ونې بوټي په کښې هم وي- ستاسو په کور کښې څو کمرې دي؟

د ماريې ټول ملګري د هغې په کور کښې راجمع شوي وو او يو بل ته ئې د خپلې خوښې کارونه يادول، د چا لوستل خوښ وو نو د چا لوبې کول- مور او پلار چې د ماشومانو د لوستلو دا شوق وکتلو نو د هغوي د پاره يې يو داسې ښه کار وکړو چې د ټول کلي ماشومانو ترې ګټه پورته کړه- هغوي داسې کوم کار وکړو چې ټول ترې خوشحاله شول؟

عارف او ثمرين د خپلو ملګرو سره د يو ځائے لوبو کولو پروګرام جوړ کړو- خو څوک په يوه لوبه هم نه متفق کېدل- چا پټ پټوڼې کول غوښتل نو چا چيندرو، چا د نوم څيز او ځائے لوبه غوښتله نو چا پيټو ګرم او چا اوبۀ لوبه کول غوښتل- په اخر کښې ثمرين څۀ فيصله وکړه؟

ناياب خپلې کشرې خور ايشال ته د محترمې فاطمه جناح د تحريک ازادۍ ټوله قصه کوي- چې څنګه هغې د خپل ورور قائداعظم محمد علي جناح سره اوګه په اوګه د پاکستان په جوړېدو کښې مرسته کړې وه- نایاب ايشال ته ووئيل چې فاطمه جنا په سبق کښې هم ډېره قابله وه هغه د غاښونو ډاکټره وه- د ايشال څنګه دا خواهش پېدا شو چې د فاطمه جناح د ژوند نه ځان خبر کړئ؟