عارف او ثمرين د خپلو ملګرو سره د يو ځائی لوبو کولو پروګرام جوړ کړو- خو څوک په يوه لوبه هم نه متفق کېدل- چا پټ پټاڼی کول غوښتل نو چا چيندرو، چا د نوم څيز او ځائی لوبه غوښتله نو چا پيټو ګرم او چا اوبۀ لوبه کول غوښتل- په اخر کښي ثمرين څۀ فيصله وکړه؟

دا نظم د کور په هکله ليکلی شوی دی- په دې نظم کښي دا خودلي شوي دي چي د کور دننه ماحول څنګه وي- مور پلار، وروڼه خوېندې، نيا نيکۀ په يو کور کښي وسيږي- خپل خپلوان هم راځي- کوشنيان په کښي لوبې کوي، څاوري هم په کښي وسيږي- ونې بوټي په کښي هم وي- ستاسو په کور کښي څو کمرې دي؟

د يو داسې ماشوم قصه، چي هغه به د ويل چيئر په سهاره ګرځېدو- نه به ښوونخی ته تلی شو او نه به ئې لوبې کولې شوې- بيا د هغۀ ملګرو د هغه مدد وکړو- هم به ښوونخی ته تلو او هم به ئې لوبې کولې- فټ بال به ئې هم کولو- په ويل چيئر د ناستې له وجې به هغۀ په کوم پوزيشن لوبه کړې وي؟

ګلالۍ خپلې کشرې خور زربختې ته د محترمې فاطمه جناح د تحريک ازادۍ ټوله قصه کوي- چي څنګه هغې د خپل ورور قائداعظم محمد علي جناح سره اوګه په اوګه د پاکستان په جوړېدو کښي مرسته کړې وه- نایاب ايشال ته ووئيل چي فاطمه جنا په سبق کښي هم ډېره قابله وه هغه د غاښونو ډاکټره وه- د ايشال څنګه دا خواهش پېدا شو چي د فاطمه جناح د ژوند نه ځان خبر کړئ؟

د ګل مکۍ مرغۍ او ځناور ډېر خوښ وو- يوه ورځ ورته پيشي ګيله وکړه چي زما په کور سپی قابض شوی دی- ګل مکۍ ټول ځناور راغونډ کړل او سپي ته ئې نصيحت وکړو خو سپي ونۀ منله- بيا ورته دوي داسې سبق وښودو چي سپی په خپلو کړو ډېر پښېمانه شو او د پيشي نه ئې بخښنه وغوښتله- دې ټولو ځناورو او مرغيو سپي ته څنګه سبق وښودو-

دا قصه د هغه ملګرو په هکله ده چي د هغوئ تعلق د بيل بيل مذهب او کلتور سره ؤ خو بيا هم د يو بل سره ئې بې کچه مينه او محبت لرلو- ګيتا او رمېش سره ئې د هغوئ په کور کښي ديوالي ونماځلو، د وکټر سره ئې د کرسمس خوشحالۍ ګډې کړې- خوږو کوشنيانو تاسو وواياست چي دوي به اختر څنګه نماځلی وي؟