چُناک لمہ تون اوار کتاب آتا دکان آ سر مسر تو ناگمان آن ڈغار سرا، کل نرّسا میدان اسے آ مچ مسر، چُناتے سما تما کہ دا زمی جمب ئس، کل خلوک ئسر، لمہ زمی جمب نا بننگ نا سوب آتے پارے، چُناک کتاب آتا دکان اٹ پترینگار او تینا پسند نا کتاب ہلکر، احد اَرا کتاب ئے ہلک؟

اِرا چُنا نا قصہ، اوفک تینا کاریم تے تینٹ کریرہ، تینا لمہ باوہ و بھلہ پیرہ ئے ہم کمک تسرہ، لمہ تون اُرائی کاریم تا کننگ اٹ کمک کریرہ،  ہراتم اوفتے ہنہ جھیل نا سیل آ دننگا تو اوفک پکنک نا کل ئے گڑاتے ہرفیر، ریسٹورنٹ اسے ٹی ارغ کنگر، پیرہ چناتا کاریم تے خننگ آن خوش مرسا اوفتے ٹھیکی ٹی اِرا پیکٹ تس۔ پیکٹ آتیٹی انت ئسرہ؟

اسہ معذور او چناسے نا قصہ، کلثوم چنکی آن اسہ دُو اسے آن معذور ئس، چُناک ہندا سمجھارہ کہ او گوازی کننگ کپک ولے زینب اوفتے پارے او تینا ہر کاریم تے تینٹ کننگ کیک۔ ہراتم کلثوم چُناتتون گوازی کرے تو کل تا پاریر ننے نے آ گمر اے۔

اسہ ہندنو پیل اسے نا قصہ ہرادے جنگل اٹ ہچو سنگت اس الو۔ کل اوڑان مُر نرارہ  اودے جَل دریا غا ہننگ نا پاریرہ۔ جنگلی آ خراس ہراتم اودے سوب ئے پارے ولدا اودے کل ہیت آک سمجھ بس۔

موبائل بس لائبریری نا قصہ، جتاجتا اسکول آتے آتیٹی چناتے جتا جتا کاریم کرفک، اوفتے قصہ غاتا ویڈیو ہم نشان ایتک۔ چُناتے لائبریری آن کتاب ہرفنگ و اوفتے اُرا تیا دننگ نا موکل ہم ارے۔  چُناک موبائل بس لائبریری آن بھاز خوش او۔ رخصتی نا وخت آ اودے مُر مُر اسکان گدریفرہ۔

مہربانو نا خواننگ نا شونق، ولے باوہ نا نظر اٹ مسن تے خواننگ آن مُر تخنگ او اُرا نا کاریم تے ہیل کننگ المی ئس، ہڑدے تینا ایلم ئے اسکول آ ہننگ آ خناکہ۔ اسہ دے اس ہندنو واقع اس پیش بس ہراڑے اونا لمہ باوہ ئے سما تما کہ مہربانو خواننگ چاہک تو اوفک حیران مسر۔ مہربانو خواننگ امر ہیل کرے؟