Level 1

پکنک ءِ بابت نبشتہ بوتگیں دل تبیں شعرے۔ کؤر ءِ کش ءَ چوں زہگاں مزہ کُرت، بوجیگ ءِ سئیل کُرت، وشیں وشیں ورگ وارت۔ پکنک ءَ کئے کئے شُت؟

درچکے ءِ شاہاں ہوار جاہمنندیں مُرگانی کسہ کہ شکاری ءِ آہگ ءَ چہ مُلور اَت اَنت۔ شکاری ہمک روچ مرگاں گرگ اَت۔ شادو ءَ گوں لکّی ءَ شور ءُ سلاہ ءِ گُشت۔ لکّی ءَ شؤر کُرت ءُ درستیں مرگاں شکاری ءِ دام ءِ تہا پترگ ءِ گُشت۔ اے شؤربندی چون اَت ءُ شکاری سوبمند بوت؟

کسانیں جنگلے ءِ کسّہ اںت کہ چہ بازیں روچاں گار بیت۔ وھدے واتر بیت گُڑا گُشیت کہ من دور کؤر، کوہ، جنگل ءُ ایندگہ سئیل کُرتگ اَنت۔ جنگل ءَ وھدے زمین ءَ نکش ءُ نگار جوڑ کُرت گُڑا حارث سرپد بوت کہ آئی ءَ پاکستان سئیل کُرتگ۔ جِنگل ءَ نقشہ چوں جوڑ کُرت؟

سیاہ ءُ بزیں جمبرانی مانشانگ ءَ گوں روچ چوں تہاریں شپ ءَ بوت۔ درستاں چہ سبزیانی سُرپُر، وشیں گپ ءُ ہور ءِ ترمپاں مزگ زُرت۔ بلئے نُنکیں کدو پرچا ترس ءِ آماچ اَت؟

اے شیتانیں حمل ءِ کِسّہ اںت ۔آئی ءَ مدام اسکول ءِ باگ ءِ پُل سست اَنت۔ باگپانیں ماسی ءَ وہدے اے جیڑہ گیشوار کُرت گُڑا درستیں زہگاں ترس اِت اَنت۔ گُڈسر ءَ حمل ءَ چہ وتی کارپداں توبہ کُرت۔ باگپانیں ماسی ءَ زاناں چے کُرت؟

شوکیں بُزے ءِ کِسّہ اِنت کہ آئی ءِ لاپ ءِ بے کساس درد اَت۔ ڈاکٹر ءَ گّشت کہ آئی ءَ چہ ردی پلاسٹک ءِ لوتانی چُنڈ ایربُرتگ اَنت۔ دْرست گمیگ بوت اَنت۔ چے بُزو ءِ درد آسر بوت؟

کمبر ءِ داخلہ ءَ اسکول ءَ بوت۔ اودا آئی ءِ ہچ سنگت نیست اَت۔ لھتیں شیتانیں زہگاں آئی ءَ را تنگ کُرت۔ بلئے پدا آئی ءَ را لھتیں سنگت رست۔ زہگاں گوں کمبر ءَ سنگتی پرچا کُرت؟

سال ءِ چاریں موسمانی بابت ءَ نبشتہ بوتگیں شعرے۔ ہمک موسم ءِ وتی چہر ءُ شبینے بیت۔ گرماگ ءَ سارتیں چیز مزگ دنت ءُ سردی ءَ چاہ، کاپی ءُ ایندگہ۔ تاکریچ ءِ وتی وشی یے۔۔ اڑے! تاکریچ ءَ رند کُجام مہمان پیداک اںت؟

حاک ءِ رازانانی گوں یکے دوہمی ءَ گپ، انگاتہ جگ ءِ کپگ ءُ پُرشگ ءَ چہ رازانانی نارازضی۔ چے گُشئے! ناکو حاک ءِ جک جوڑینیت؟

اسکول ءِ سالانہ لئیب ءُ گوازیانی مقابلہ اَت ءُ درست پُرجوش اَت اَنت۔ چاریں سنگتاں جتا جتا لئیباں بہر زُرت بلئے گوتاچی ءَ چاریں ہوار اَت اَنت ءُ تیاری کنگ ءَ اَت اَنت۔ حمل ءَ ہچ ڈولیں پریشانی نیست اَت ءُ ایمن کہ اے بری ہم باج بارت۔ گُڑا حمل گوتاچی ءَ باج بارت؟

ماسی پُگل وتی چُکانی گار بوئگ ءَ پریشان اَت۔ اناگتہ ءَ ٹلو اَتک ءُ گُشت ئِے کہ آئی ءِ برات ہپّوک والا ءَ برتگ اَنت۔ دوئیناں شمبو ءُ زنڈک ءِ رکینگ ءِ کوشست کُرت۔ بلئے۔۔۔ ماسی پُگل دوبر وتی چُکاں گندیت؟

آمنہ ءِ دزگوار یکے دوہمی ءَ وتی دوست ءُ نا دوست ءِ بابت ءَ گُشگ ءَ اَت اَنت۔ کسے ءَ وانگ دوست اَت ءُ کسے ءَ لئیب۔ مات ءُ پتاں وہدے زہگانی وانگ ءِ شوک دیست گُڑا جْوانیں کارے کُرت کہ پہ درستاں فائدگ اَت۔ مات ءُ پتاں چے کار کُرت کہ درست وش بوت اَنت؟